Hand And Nails Care

Kisi ajnabi se pehli bar milein to chehre par nazar parti hai. Phir lebas par tawajjah aap hi aap mabzool ho jati hai. Jab bolne ko aage barhein to hamara ikhlaq aur baat karne ka andaz mutasir ya bor kar skta hai. Lekin jonhi mokammal shakhsiyat par nazar parti hai to hathon aur peron ki jild aur nails par nazar parti hai. Pata chal jata hai keh hum ketne bimar ya sehat mand hain. 

Kuch khawateen achi sehat ki malkah hoti hain, woh hathon ke lambe nakhun bhi rakh lein to chaltahai aur isi liye keh woh baqaidgi se meni cure

leti rehti hain ya khood apna kheyal rakhna bakhoobi janti hain lekin agar aap nozaidah bache ki maan hain ya ghariloo khatoon hain to chote nakhoon rakhne hi mein aafyat hain.

Aik Dermatologist Doctor ke kheyal mein khawateen ko saakht mein qadre chote nakhoon rakhne chahiye yeh aasani se saaf bhi ho skte hain aur bawaqt zaroorat aasani se sajaye sanware ja skte hain. Inhein tarashte waqt bezwi shakal dein yani Curve ki shakal mein katein aur kheyal rakhein keh kahin kisi nail ke andar to new nail nahi ugne laga? Agar jild hi ki koi shakal dane ki shakal ki surat mein nazar aane lage to nail ke mahir se ruju kar lein. Fingers ke nails ko sidha tarash kar fawail ke sath bezwi shakal di jati hai jabkeh doosri janib peron ke nails ko intehayi saaf rakhne ki zaroorat hoti hai aur aksar inhi nails ke andar carn bante hain agar peron ke thumbs ke nails chote rakhe jayein to aage se munh band wale joote baasani pehne ja skte hain aur aap har mosam mein anga rung aur fashion ke hathon is qadar majboor hoti hain keh nail nahi tarashtein tkleef leti hain.